Paunsa ba ugmaron ang kaugmaran Bisaya?
Ang mga batan-on, giagi nila sa Bisrock. Ang mga magsusulat giugmad nila ang atong katitikan diha sa ilang mga balak, sugilanon, gumalaysay ug uban pa. Mga mahilig sa arte sa entablado o pasundayag sa sine, giugmad pod nila ang Bisayang Kultura. Usa ka pananglitan ang 'Panaghoy sa Suba' ni Cesar Montano, nga mipasundayag sa sugilanon sa panahon sa Hapon, didto nahitabo sa Bohol, sa suba sa Loboc.
Ang katawahang Bisaya, diha sa ilang inadlawng panikasysikay, nagpadayon sa pag-ugmad sa Kaugmarang Bisaya. Labi na kadtong may kahinam sa inato, o sa kaugalingong mga bili, pag-ila sa kaugalingong kailhanan ug pinulogan.
Sa natad sa panggamhanan, aduna poy nagatuboy sa nagkadaiyang mga kultura sa atong kapuloan.
